الأحد، 5 أغسطس، 2012

آآآآآآآآآآآه ياعرب
بكرة أنا طالع ع الجبهة وأنادى ......
وهاقول آه يادم
آدى سلاحى وقلبى أنا صاحى ...؟
وهقتل أعداء وألم .....
غنايم حرب من جوة الدرب
وكل عدو قدامنا يموت وهنطهر كل الحى
ودا عمر سلاحى ماكان صاحى ....
قد اليوم والساعة دى ياعم
أقسم بالله وبيه ومن غيره وسواه
لهناخد بتار دم أولادنا الحر
من كل عدو غاير علينا
ناهب أراضينا ....حارب اهالينا
قاتل للأم
أنا بكرة طالع ع الجبهة وأقول .؟
آه ياعرب يادم ياحر اتلم
هنهزم كل عدو عايز ياخد اراضينا
ونحرر وطنا الأم
القدس شريفة وعربية وحرة
ومن أصل عربى وحر
عمره ماكان من غير عنوان
واسئل عليه الابكم والصم
إسئل عيسى المسيح والسيدة العزراء
واتاكد من المياه الطاهرة والارض الخضراء
وكمان سيدنا محمد صلى فيها
ودعا لله بالخير للامة
كانت أول قبلة نصلى عليها
وازاى نسمح لأعداء الله ياخدوها
آه ياعرب يادم ياحر اتلم
آه ياجندى ياعربى اصرخ
نادى وقول
الله أكبر ........ الله اكبر
هتلاقى كل عدو صهيونى
راجع للخلف  بيدارى ورا حجر أصم
الاقصى بينادى علينا
لازم ناخد بتار اهالينا
عمر ماكانت الأرض رخيصة
لا دى غالية ونفديها بالدم
نادى ياجندى وقول انا جايلك
ياوطننا يا أم
جايلك صاحى وف ايدى سلاحى
وهاجيب تار دم شهدائنا الحر
بكرة انا طالع ع الجبهة وانادى
وهاقول اه يادم
آدى سلاحة وقلبى أنا صاحى
راح أقتل أعداء الله والم
غنايم حرب من جوة الدرب
وهحرر وطننا الحر

فضفضة اصدقاء

لازم كل شىء حلو يموت

لازم نبكى والدمعة يبقالها صوت

يمكن فى يوم الضحكة علينا تفوت

بس إوعى ياصاحبى تنسانى

أو تنسى إسمى وعنوانى

أنا يمكن فى يوم هاتغير

بس عمرى ماهاغير عنوانى

بس لازم كل شىء حلو يموت

يمكن فى يوم اسافر والف بلاد واطوف

وارجع تانى لنفس الموال واقول

يمكن فى يوم الضحكة علينا تفوت

وحتى الحضن اللى كان بيساعنى

وعمره مارق فى مرة لغيرة

هجرنى وفاتنى ولاف على غيرى

بس دلوقتى ولما قطر الحب يفوت

عمرى ما أفكر يوم أنساك

أنا بس ن الغربة والوحدة آسيت

كن لسة حيطان البيت زى ماهيا

والاحلام اللى انا بحلمها كتيرة عليا

بس اوعى ياصاحبى تنسانى

أو تنسى اسمى وعنوانى

لكن مش صعب عليا اقولك

أنت ياصاحبى حبيبى الغالى

دا هو اللى سقانى كتيير المر

وده شىء مجهول اسمه الحب

بس ياصاحبى اوعى تحب

دا أنا أسيت كتير من الحب

أنا عشت حلو كتيير ايامه

بس ياصاحبى ىسيت حرمانه

بعد ماكان الحب بلادى

جاله اليوم على غيرى ينادى

صبرت وقلت أكيد هايعود

لكن اختفى مبقاش موجود

بعدها حسيت اننا مجنون

لما لقتنى على حبيبى بهون

للو لقيت الفرح فيا

أقوى من الجرح اللى فيك

سيبنى اقربلك شوية

وارسم الضحكة فى عنيك

عدى بحر الحزن بيا

إيدى مش هاتسيب ايديك

أحلى شىء فى الدنيا ديا

ان حد يخس بيك

بس الصعب انك تلاقى

اللى جارحك اقرب الناس اليك

هتلاقى الحب زى النار

بيداوى ويجرح ولا احسنها طبيب

بس ياصاحبى اوعى تحب

دا أنا جربت كتيير وتعبت

ولما فقت لقيت جدران البيت اتهد

ولقيت نفسى بلعن شئ اسمه الحب

لما كل شىء اتبدل عندى

حتى الحزن استوطن فيا

بعد ماكانت بيضا الدنيا

بقيت اسود شىء فى عنيا

وبقيت برجع من تانى واقول

يمكن الضحكة علينا تفوت

بس اوعى ياصاحبى تنسانى

او تنسى اسمى وعنوانى

وليه لازم كل شىء حلو يموت

دا احنا اصحاب والصحبة عنوان

خلى طرقى هو طريقك

واوعى ياصاحبى تنسانى

او تنسى اسمى وعنوانى